Prokuroria e posaçme refuzon kërkesën e Sali Berishës për të shkuar në parlament

Në Shqipëri, Prokuroria e posaçme ka njoftuar të premtën se ka refuzuar kërkesën e ish kryeministrit Sali Berisha që ai të lejohet të marrë pjesë në seancat e parlamentit

Në Shqipëri, Prokuroria e posaçme ka njoftuar të premten se ka refuzuar kërkesën e ish-kryeministrit Sali Berisha që ai të lejohet të marrë pjesë në seancat e parlamentit.

Që prej fundit të muajit të shkuar, Berisha ndodhet në arrest shtëpie, pasi më herët ai refuzoi të zbatojë masën e sigurisë “detyrim paraqitje”, duke e konsideruar atë se ishte në shkelje të kushtetutës.

Në vendimin e dy prokurorëve të çështjes, shjegohet se sipas Kodit të Procedurës penale “në kohëzgjatjen e arrestit në shtëpi, vlejnë rregullat e paraburgimit”, e për pasojë “e drejta për të ushtruar profesionin, apo qoftë dhe mandatin e fituar nga zgjedhjet për Kuvendin, duhet të konsiderohet si e papajtueshme me zbatimin e masës së sigurimit ‘arrest në shtëpi’”.

Prokurorët shpjegojnë po ashtu se në asnjë dispozitë ligjore nuk është parashikuar mundësia e dhënies së një leje të tillë e sipas tyre edhe në kërkesën e avokatit të Sali Berishës thuhet se “nuk evidentohet asnjë dispozitë mbi të cilën të mbështetet kërkesa për dhënien e kësaj leje”.

Sali Berisha është në hetim për procedurat e ndjekura në rastin e privatizimit të ish-klubit sportiv Partizani.

Ai dyshohet të ketë favorizuar dhëndrin e tij, Jamarbër Malltezi, një nga ish-pronarët e truallit, mbi të cilin, më pas lulëzoi një kompleks pallatesh.

Ndonëse në arrest shtëpie, çdo mbrëmje, Berisha shfaqet në dritaret e apartamentit të tij, duke iu drejtuar grupeve të mbështetësve që grumbullohen pranë banesës në një nga zonat qendrore të Tiranës.

Ish-kryeministri ka ankimuar vendimin e gjykatës për arrestin në shtëpi, dhe javën e ardhshme pritet të zhvillohet seanca në Gjykatën e Apelit, ndërkohë që po javën e ardhshme ai është thirrur për t’u marrë në pyetje nga prokurorët./VoA

Shija e redaktorit

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Të fundit nga rubrika