Prokuroria jep detaje në lidhje me vrasjen në Skenderaj

Zëdhënësi i Prokurorisë Themelore në Mitrovicë, Valon Preteni, në lidhje me vrasjen në Skenderaj ka thënë se personat të cilët dyshohet se kanë kryer aktin ishin të maskuar dhe "ende janë të paidentifikuar e në kërkim"

Prokuroria Themelore në Mitrovicë

Prokuroria Themelore në Mitrovicë ka dhënë detaje në lidhje me vrasjen në Runik të Skenderajt, ku mbeti i vdekur një person dhe tre të plagosur.

Në një përgjigje për Portalin Dukagjini, zëdhënësi i prokurorisë, Valon Preteni, ka thënë se personat të cilët dyshohet se kanë kryer aktin ishin të maskuar dhe ende janë të paidentifikuar e në kërkim.

Ai ka theksuar se ende nuk dihet motivi që ka çuar deri në këtë akt, teksa rasti po trajtohet si “Vrasje e rëndë”.

“Prokurori i rastit ka dalë në terren, nga të dhënat e deri tanishme dyshohet se dy persona të maskuar kanë hyrë në kafiteri ku nga të shtënat një person ka mbetur i vdekur. Personat e dyshuar janë ende të paidentifikuar dhe në kërkim. Nuk ka ende informacione se cili ka qenë motivi. Rasti po trajtohet si vrasje e rëndë” – ka thënë Preteni.

Më herët, Shaqir Uka, shef i repartit të Intensivës në QKUK, ka bërë të ditur se njëri nga të plagosurit në incidentin në Runik të Skenderajt është në gjendje më të rëndë nga lëndimi që ka marrë nga arma e zjarrit në regjionin e gjurit, dhe për këtë arsye gjatë një intervenimi kirurgjik është dashur t’i amputohet pjesa e nëngjurit të këmbës së djathtë.

Ndërsa, për gjendjen e dy të plagosurve të tjerë, drejtori i klinikës së Ortopedisë në QKUK, Gani Jashanica, për Portalin Dukagjini ka thënë se janë duke i trajtuar, pasi njëri ka lëndime në pjesën e gjurit dhe të shputës, ndërsa tjetri në pjesën e shputës.

Lexo edhe: Njëri nga të plagosurit në Skenderaj në gjendje të rëndë, i amputohet pjesa e nëngjurit të këmbës

Ndryshe, Policia e Kosovës ka njoftuar se një person ka mbetur i vrarë në një kafiteri në fshatin Runik të Skenderajt dhe tre të tjerë janë plagosur nga të shtënat me armë zjarri pas mesnatës të së mërkurës.

Siç ka njoftuar Zahiti, nga arma e zjarrit lëndime kanë pësuar katër persona, njëri nga të lënduarit viktima N. L., 39 vjeçar, ka ndërruar jetë në vendngjarje, ndërsa, tre persona të tjerë të lënduar ( po ashtu nga arma e zjarrit ) janë dërguar për tretman mjekësor në QKUK.

Nga hetimet e para, dyshohet se dy persona të dyshuar e të maskuar kanë hyrë brenda në kafiteri, kanë shtënë me armë dhe janë larguar në drejtim të panjohur.

Rasti vazhdon të jetë nën hetime.

Lexo edhe: Vrasje në Skenderaj, një i vdekur e tre të plagosur

Shija e redaktorit

EURO DUELI – Nisja e aventurës futbollistike në TV Dukagjini

Sonte ka nisur emisioni “Euro Dueli” në TV Dukagjini, emision kushtuar Kampionatit Evropian. Analiza të detajuara, debate interesante, show, do t’i përcjellin shikuesit përgjatë një...

Parada e Çlirimit, FSK e Policia parakalojnë në Prishtinë

Pasardhëse e UÇK-së, e ushtria e shtetit të pavarur të Kosovës nuk kishte si të niste sot parakalimin në 25 vjetorin e çlirimit pos...

Ditët e para të çlirimit, rrëfim nga ish-zyrtari për informim...

Për ditë me radhë në territorin e Maqedonisë, ushtarët e NATO-s stërviteshin për përballjen me forcat serbe në Kosovë. Më 10 qershor në Kumanovë, Serbia...

Të fundit nga rubrika