Pas arrestimit të një mashkulli kosovar nën dyshimin se i njëjti kishte dhunuar një grua, Prokuroria Themelore në Prizren ka njoftuar se viktima ishte e mitur.
Në një përgjigje për RTV Dukagjini, Prokuroria Themelore në Prizren ka bërë të ditur se i dyshuari ndodhet nën masën e ndalimit 48-orësh. Ndaj të njëjtit, pritet që Prokuroria të parashtroj kërkesë për caktimin e masës së paraburgimit.
“Referuar kërkesës tuaj për informacione, Prokuroria Themelore në Prizren ju njofton se, lidhur me rastin në fjalë, i dyshuari ndodhet nën masën e ndalimit 48 orësh, për shkak të dyshimit të bazuar se i njëjti ka kryer veprën penale “Dhunimi” nga neni 227 të Kodit Penal të Republikës së Kosovës (KPRK). Brenda afatit ligjor, prokuroria për të njëjtin do të parashtroj kërkesë për caktimin e masës së paraburgimit”, kanë thënë nga Prokuroria.
Krahas kësaj, nga Prokuroria kanë thënë se detaje të tjera nuk mund të jepen si shkak i konfidencialitetit dhe ndejshmërisë së rastit gjersa kanë treguar se vitikima ishte e mitur.
“Meqë viktima në këtë rast është e mitur, nuk mund t’ju japim detaje të tjera për shkak të konfidencialitetit të procedurës dhe ndjeshmërisë së rastit”, thuhet në përgjigjen e Prokurorisë.
Më herët të enjten, Raporti 24-orësh i Policisë së Kosovës bëri të ditur se rasti kishte ndodhur në Prizren, në dhjetor të këtij viti, ndonëse data e caktuar dhe incinialet e të dyshuarit nuk janë bërë të ditura e krahas kësaj, as detaje rreth moshës së viktimës.