Prokuroria Themelore në Prishtinë ka parashtruar kërkesën për paraburgimin e dy të arrestuarve, të cilët dyshohen për “Keqtrajtimi gjatë ushtrimit të detyrës zyrtare ose autorizimeve publike”,  në lidhje me rastin e trevjeçarit në kopshtin “Gëzimi Ynë” në Fushë- Kosovë.

“Prokuroria Themelore në Prishtinë, njofton opinionin publik se ka paraqitur kërkesë për caktimin e masës së paraburgimit në gjykatën kompetente, ndaj të pandehurave N.M. dhe N.H., për shkak të veprave penale “Keqtrajtimi gjatë ushtrimit të detyrës zyrtare ose autorizimeve publike”, nga neni 195 paragrafi 2 lidhur me paragrafin 1 të KPRK-së dhe “Lëndimi i lehtë trupor”, nga neni 185 paragrafi 3, pika 3.1 lidhur me paragrafin 1, pika 1.4 të KPRK-së”, thuhet në njoftimin zyrtar.

Prokuroria ka bërë të ditur se kanë marrë veprimet hetimore menjëherë pas publikimit të video-incizimit në rrjetet sociale lidhur me rastin, shkruan Paparaci.com.

Fëmija është dërguar në ekzaminimet e nevojshme mjekoligjore, dhe në bazë të rezultateve të raportit dyshohet se të pandehurat kanë keqpërdorur detyrat zyrtare dhe me dashje i kanë shkaktuar lëndime trevjeçarit.

Rasti i trevjeçarit në Fushë Kosovë: 48 orë ndalesë për edukatoren dhe kuzhinieren e kopshtit