Prokuroria Themelore në Gjakovë ka njoftuar se gjatë periudhës kohore janar-gusht të vitit 2022, ka ngritur dhjetë aktakuza ndaj dhjetë personave për veprat penale “Sulmi seksual”, “Dhunimi”, si dhe “Mundësimi apo detyrimi në prostitucion”.
Po ashtu, sipas njoftimit, prokuroria ka kërkuar caktimin e masës së paraburgimit ndaj gjashtë personave të cilat sipas tyre janë aprovuar nga gjykata.
“Prokuroria Themelore në Gjakovë, gjatë periudhës kohore janar- gusht 2022, ka ngritur 10 (dhjetë) aktakuza, kundër 10 (dhjetë) personave, për veprat penale, “Sulmi seksual”, “Dhunimi”, si dhe “Mundësimi apo detyrimi në prostitucion”. Po ashtu, për këtë periudhë kohore prokuroria ka bërë kërkesë për caktimin e masës së paraburgimit ndaj 6 (gjashtë) personave të dyshuar si kryes të këtyre veprave penale, të cilat janë aprovuar nga gjykata kompetente”, thuhet në njoftim.
Në njoftim thuhet se janë të angazhuar që këto lloje të rasteve të trajtohen me prioritet dhe urgjencë.