Një punëtor ka humbur jetën sot në vendin e punës në fshatin Gllaviçicë të Pejës.
Lidhur me rastin, zëdhënësi i Prokurorisë Themelore në Pejë, Shkodran Nikçi, ka bërë të ditur se në vendin e ngjarjes kanë dalë njësitë relevante dhe janë duke u zhvilluar hetimet për zbardhjen e rastit.
“Në vendin e ngjarjes kanë dalë dy prokurorë të shtetit, Policia e Kosovës me të gjitha njësitë relevante dhe njëkohësisht inspektorati i punës. Aktualisht në vendin e ngjarjes janë duke u marrë të gjitha veprimet e nevojshme hetimore, të cilat do të na çojnë drejt zbulimit të shkaqeve, rrethanave se si ka ndërruar jetë viktima.
Viktima është dërguar në spital pa shenja jete”, ka deklaruar Nikçi për Dukagjinin.