Prokuroria pranon kallëzimin penal ndaj Xhevat Krasniqit, autorizohet fillimi i hetimeve

Kjo prokurori ka njoftuar se rasti është duke u trajtuar në pajtim me dispozitat ligjore të Kodit të Procedurës Penale të Kosovës

Xhevat Krasniqi

Prokuroria e Prishtinës ka njoftuar se ka pranuar kallëzimin penal ndaj profesorit të Universitetit të Prishtinës (UP), Xhevat Krasniqit, në drejtim të veprës penale – ngacmim seksual, dhe për këtë ka nxjerrë aktvendim për fillim të hetimeve.

“Referuar pyetjeve tuaja, ju njoftojmë se Prokuroria Themelore në Prishtinë ka pranuar kallëzim penal ndaj çështjes në fjalë. Prokurori i Shtetit ka marrë aktvendim për fillim të hetimeve ndaj Xh. K.: – thuhet në përgjigjen e dhënë për KALLXO nga Prokuroria e Prishtinës.

Kjo prokurori ka njoftuar se rasti është duke u trajtuar në pajtim me dispozitat ligjore të Kodit të Procedurës Penale të Kosovës.

Xhevat Krasniqi ishte denoncuar nga 27 studente të Fakultetit të Mjekësisë për ngacmim.

Rektori i Universitetit të Prishtinës, Qerim Qerimi, e kishte pezulluar nga puna profesorin Krasniqi.

Pezullimin nga puna të profesorit Krasniqi rektori e kishte bërë pas rekomandimit të Këshillit të Etikës të UP-së.

Në vendimin e Rektoratit për këtë rast thuhej se Këshilli i Etikës e ka rekomanduar pezullimin e Krasniqit derisa të përfundojnë veprimet hetuese nga ana e Prokurorisë së Shtetit./Kallxo.com

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika