Ridvan Muharremi, është paraqitur në Prokurorinë Speciale me ftesë të kësaj prokurorie.
Siç njofton prokuroria i njëjti është duke u intervistuar në cilësinë e të pandehurit për një çështje penale, të cilën kjo prokurori e ka në hetim.
Rasti ndërlidhet me keqpërdorimin e rezervave shtetërore.
Avokati Mahmut Halimi e ka konfirmuar për Nacionalen se Muharremi do të intervistohet në cilësinë e të dyshuarit.
“Po, për rastin e rezervës. Në cilësinë e të dyshuarit është, tash te këqyrim çka po thotë Prokurori”, tha Halimi.
Me 18 gusht 2023 ishte arrestuar Ridvan Muharremi nën dyshimin për keqpërdorime të rezervave shtetërore të Kosovës.
Lidhur me rastin kishte folur avokati i tij i cili kishte thënë se Muharremi është i pafajshëm.
Mahmut Halimi, avokati i biznesmenit Muharremi pas lirimit të tij për t’u mbrojtur në liri, në emisionin FIVE në Dukagjin kishte thënë se shpreson që prokuroria ta mbyllë sa më parë këtë rast.
“Unë pres që sa më parë prokuroria ta mbyllë këtë rast”, ka thënë Halimi.