Të premten e dhjetë qershorit, Kryeprokurori i Prokurorisë Speciale të Republikës së Kosovës (PSRK), Blerim Isufaj, ka mbajtur takimin e radhës me ekipin e përbashkët për përzgjedhjen dhe shënjestrimin e krimeve të rënda, ku kanë shënjestruar dy raste të reja me një numër të madh të personave për vepra të ndryshme penale.
Rasti i parë i shënjestruar nga Prokuroria Speciale, është i koduar “JIMI”, në të cilin janë të përfshirë disa persona për veprat penale “Shpëlarja e parave’’, nga neni 302 lidhur me nenin 31 të Kodit nr. 06/L-074 Penal të Republikës së Kosovës (KPRK) dhe lidhur me nenin 56 paragrafi 1 të Ligjit nr. 05/L-096 për Parandalimin e Pastrimit të Parave dhe Luftimin e Financimit të Terrorizmit.
Prokuroria Speciale ka propozuar për konfiskim të përhershëm të dy automjeteve, të cilat janë sekuestruar nga të pandehurit në vendin e ngjarjes, të kartëmonedhave në shumë prej 125 mijë e 240 euro të sekuestruara, si dhe celularët e sekuestrua nga të pandehurit.
Ndërkaq, në rastin e dytë të shënjestruar nga Prokuroria Speciale, i cili është i koduar “KAMERA”, janë të përfshirë disa persona për veprat penale bazë “Krim i organizuar’’ neni 277, si dhe “Blerja, posedimi, shpërndarja dhe shitja e paautorizuar e substancave narkotike’’ neni 267.
Nga ky rast janë sekuestruar 143 mijë e 395 kg narkotikë, nëntë vetura, 13 mijë euro si dhe pesëmbëdhjetë celularë.