Këtë pankartë e sollën nga Prizreni në Prishtinë.

Përmes saj, këta veteranë të UÇK-së, po shprehin pakënaqësinë e tyre përmes protestës para objektit të Kuvendit të Kosovës.

Pankarta

Mos përfshirja e pensioneve të tyre në Projektligjin për pagën minimale i ka zemëruar ata.

Protesta që nisi e qetë nuk vazhdoi si e tillë.

Veteranët u ankuan se dikush po i provokon nga dritaret e Kuvendit.

“Kërkoj nga pushteti që t’i ndal provokimet dhe të kthehet ta tërheq ligjin i cili shkel aktvendim të Gjykatës Kushtetuese”, u shpreh Faton Klinaku, ushtrues i detyrës së Organizatës së Veteranëve të UÇK-së.

Faton Klinaku, OVL UÇK

E provokimet që veteranët thanë se po u bëhen nga dritaret e Kuvendit, bëhen shkak që situata të tensionohet.

Protestuesit nisin të futen me forcë në oborr, synim kanë hyrjen në objektin e legjislativit, ku ishte planifikuar të mbahej një seancë plenare.

Mirëpo, pak metra para hyrjes kryesore ndalen nga Policia.

Ky kordon policor, ndryshe nga i pari, i ndal protestuesit.

Veteranët në disa raste tentojnë ta thyejnë edhe këtë bllokadë të organeve të rendit, mirëpo, ata nuk ia dalin.

Në shumë raste, Faton Klinaku nga Organizata e Veteranëve të Luftës u bëri thirrje protestuesve për qetësi.

“Mos bëni problem se ndoshta pushteti e pret që ne të përballemi me ta. Qëndroni kështu si jeni se shumë mirë jeni duke qëndruar kështu sic jeni sepse shumë mirë jeni duke qëndruar”, shtoi Klinaku.

Bashkëluftëtarët e dëgjojnë Klinakun, një pjesë e tyre vendosin të ulen para Policisë.

Nga këtu kanë disa porosi për Qeverinë.

“Ne nuk do të lejojmë më malltretime sepo e shihni sa është një rrogë e veteranit. Po I shihni cmimet cdo ditë duke u rritëNuk mundemi me e përballu”

“Jam i zhgënjyer nga kjo qeveri, na po dëshirojmë vetëm vlerat tona me i mbrojtë, me na u rritë pagat, asgjë tjetër”

Për t’i dëgjuar kërkesat e veteranëve, nga salla e Kuvendit dolën disa deputetë të PDK-së.

Mirëpo, ata nuk e zgjatën shumë fjalimin pasi u sulmuan me ujë nga veteranët.

Nga protesta nuk është raportuar për persona të lënduar.

E në shumë raste, veteranët ia thanë edhe këngës.