Të enjten e 21 korrikut, rreth njëqind protestues janë mbledhur tek ndërtesa e Kuvendit të Vojvodinës, në Novi Sad, duke bllokuar hyrjen e saj.

Protestuesit kanë thyer portën metalike dhe kanë tentuar të ndërpresin mbledhjen e këshilltarëve të qytetit, ndërsa policia ka reaguar duke tentuar t’i ndaloj ata.

Mirëpo, pavarësisht protestës, seanca ka vazhduar të mbahet, përcjell Danas.

Qytetarët prej muajsh e kanë refuzuar miratimin e këtij dokumenti, pasi pretendojnë se është krijuar për t’iu përshtatur investitorëve në ‘shkatërrimin e qytetit’.

Aktivistët dërguan kërkesë në Kuvend për t’iu drejtuar këshilltarëve në seancën e së enjtes së 21 korrikut, por kërkesa e tyre nuk u miratua, si rrjedhojë, qytetarët tentuan të sillnin përfaqësuesit e tyre në seancë. Sipas burimeve të mediave serbe policia ka arrestuar disa protestues.

Pamje nga protesta, Foto: A Mandiq, Danas

Pas qetësimit të gjakrave, mes protestuesve është përhapur lajmi se seanca është shty. Mirëpo, pak minuta më pas dikush nga salla e kuvendit i njoftoi se seanca realisht po fillonte.

GUP-i jep dritën jeshile për ndërtimin e të ashtuquajturit “New Sad on the water”.

Ata parashtruan dokumentin me 1 mijë e 200 kundërshtime, por shumica e tyre u refuzuan.

Kryetari i komunës së Novi Sadit, Millosh Vuçeviq, së fundmi tha se nuk është i lumtur që GUP-i është temë kombëtare dhe se është e rëndësishme që në protestën e sotme të mos ketë “dhunë fizike” dhe se shpreson që demonstruesit të mos të pengojë hyrjen e këshilltarëve në sallë.

Prezantimet dhe mbledhjet publike të Komisionit të Planifikimit, nisën të mbahen në fund të vitit të kaluar, u karakterizuan nga një atmosferë e tensionuar në prag të një përplasjeje fizike me shkëmbimin e ofendimeve mes qytetarëve dhe përfaqësuesve të JP.

Pamje nga protesta, Foto: A Mandiq, Danas