Prova të reja për aferën e impianteve të plehrave në Shqipëri

Ish-presidenti i Shqipërisë, Ilir Meta ka dorëzuar një padi te SPAK për keqpërdorime për aferën e kompanive të impianteve të plehrave, të njohura si inceneratorët, pasi kjo e fundit kishte marrë kredi në banka të ndryshme duke lënë kolateral pronat publike

Ish-presidenti i Shqipërisë Ilir Meta

Ish-presidenti i Shqipërisë, Ilir Meta ka akuzuar Qeverinë e Shqipërisë se i ka dhënë mundësi kompanive të impianteve të plehrave, të njohura si inceneratorët, që të marrin kredi në banka të ndryshme duke lënë kolateral pronat publike.

Të martën e nëntë gushtit, kryetari i Partisë së Lirisë, Ilir Meta, ka mbajtur një konferencë për media ku ka thënë se, për të mirën e Shqipërisë, të gjitha këto veprime dhe aktedo t’i dërgojë te Prokuroria e Posaçme SPAK dhe te institucionet e drejtësisë.

Ai ka thënë se qeveria shqiptare, “me kokën e grupit kriminal Edi Rama, ka vënë në dispozicion të kësaj skeme të organizuar kriminale edhe pronat publike, të cilat janë lënë peng në bankat e ndryshme për paratë që shkojnë përtej detit”.

Ai ka shtuar se qyetarët e Shqipërisë kanë parë se si miliona euro të qytetarëve shqiptarë ishin derdhur në llogarinë e këtij grupi të strukturuar kriminal.

“Të moshuar që jetojnë në azile, barinj në Greqi, firmat e të cilëve janë falsifikuar për të rrëmbyer kjo organizatë kriminale miliona euro.

Ai ka pretenduar se “fondet e e Ministrisë së Bujqësisë dhe AZHBR, që duhet të shkojnë në mbështetje të fermerëve dhe të bujqësi, edhe ato kanë përfunduar në duart e kësaj organizate kriminale”.

Për këtë, koordinatorja kombëtare antikorrupsion e Partisë së Lirisë, Briseida Shehaj, ka thënë se inceneratori i Tiranës kishte marrë kredi 16 milionë euro duke lënë peng pronat publike.

“Në faqen 19 të kontratës për inceneratorët e Tiranës. Këtu nis gjithçka. Neni 5/2/2, e thotë qartë se kompania ka të drejtë të lërë garanci, peng, kolateral, për të marrë kredi në bankat e nivelit të dytë dhe jo vetëm prona, por dhe sheshe dhe rrugët e kalimit për të shkuar te prona.

Nga kjo faqe numër 19 në kontratë nis gjithçka. Kompania e Tiranës ka marrë, gjithsej, 8 kredi, rreth 16 milionë dollarë. Ka marrë kredi për fond për pagat Inceneratori i Tiranës rreth 250 mijë euro edhe kur nuk punonte”, tha Shehaj.

 

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika