Aktivistët e PSD-së e kanë gjuajtur me qershi, kryeministrin e Kosovës, Albin Kurti. Për ta mbrojtur kryeministrin, ka reaguar mbrojtja e afërt e kryeministrit.
Aktivistët gjatë kësaj kohe brohoritnin “Tinzar, mashtrues, haji qershiat”.
Gjatë ditës, PSD, kishte mbajtur një aktivitet simbolik, duke hedhur qershia para ish-pallatit të Rilindjes në Prishtinë.
Dardan Molliqaj, ka deklaruar se kryeministri Kurti, është duke planifikuar ta formojë Asociacionin në kuadër të planit franko-gjerman, i cili sipas tij nuk e ka njohjen brenda.
“Kryeministri tentoi për disa javë rresht që përmes veprimeve të tij nën petkun e kryeministrit rezistent, kinse nuk po lëshon pe. Por ai e ka pranuar planin franko-gjerman plan i cili nuk e ka njohjen”, ka thënë Molliqaj.
“Në atë marrëveshjen e ka pranuar edhe Asociacionin, krejt këto janë në kuadër të qasjes për manipulim të opinionit”, ka vijuar ai.
Molliqaj tutje tha se kryeministri Kurti, është duke i thyer parimet e tij të mëparshme.