Partia Socialdemokrate është duke vazhduar me aksione simbolike kundër kryeministrit të Kosovës, Albin Kurti.

Aksioni i fundit ka të bëjë me fjalimin e Kurtit në pesëvjetorin e vrasjes së politikanit serb, Oliver Ivanoviq.

Aktivistët e PSD-së e kanë vendosur një fotografi të Ivanoviqit dhe një kuror me lule.

Edhe pse Ivanoviq kishte qenë i dënuar për krime lufte ndaj civilëve shqiptarë, Kurti dha lëvdata për të, duke mos e përmendur fare këtë fakt.

Para disa vitesh, vetë Lëvizja Vetëvendosje kishte thënë se Ivanoviq është kriminel lufte.

Kurse në videon e postuar nga kryeministri Kurti, ky fakt injorohet.

Adresimi i Kurtit është kritikuar nga partitë opozitare si dhe shoqëria civile. Disa e kanë quajtur ofendim për viktimat e luftës së fundit në Kosovë.