PSD-ja në Ditën e Evropës ia dërgon ambasadës së Gjermanisë “faturën e shfrytëzimit” të infermierëve

Zgjim Hyseni nga kjo parti tha se Gjermania po eksporton mallra në Kosovë e po importon njerëz, duke iu referuar numrit të madh të mjekëve të cilët kanë shkuar në këtë vend

Partia Socialdemokrate (PSD) në Ditën e Evropës ia ka dërguar Ambasadës së Gjermanisë në Prishtinë “faturën e shfrytëzimit”.

Përmes një aksioni simbolik, PSD ka dërguar tek objekti i ambasadës gjermane një “faturë”, në të cilën ata kanë përllogaritur shpenzimet, që, sipas tyre, i ka bërë shteti i Kosovës për shkollimin e 91 mjekëve dhe 300 infermierëve, të cilët kanë thënë se janë larguar nga Kosova dhe kanë shkuar në Gjermani.

Zgjim Hyseni nga kjo parti tha se Gjermania po eksporton mallra në Kosovë e po importon njerëz, duke iu referuar numrit të madh të mjekëve të cilët kanë shkuar në këtë vend.

Sipas tij, vetëm në katër muajt e fundit 91 mjekë kanë ikur nga Kosova e të cilët po të shkolloheshin në Gjermani do të kushtonin 200 mijë euro.

Madje, siç tha ai, po të llogariteshin edhe 300 infermierë që do të kushtonin nga 30 mijë gjithsecili, veço këtë vit Gjermanisë i janë dhënë 27 milionë euro.

“Sot, për ditën e Evropës kemi ardhur me uru Gjermaninë. Gjermania po eksporton mallra, e po importon njerëz. Mjekët po i marrin falas. Vetëm në katër muajt e fundit të këtij viti, kanë ikur 91 mjekë, të cilët po të shkolloheshin në Gjermani do të kushtonin 200 mijë euro. Po t’i llogarisim edhe 300 infermierë, që do të kushtonin nga 30 mijë euro. Pra, vetëm këtë vit ne ia kemi dhënë Gjermanisë 27 milionë euro. Nëse trendi vazhdon si kështu, kjo i bie që ne e subvencionojmë Gjermaninë”.

Sipas tij, Oda e Mjekëve ka paralajmëruar që brenda 3-4 viteve të ardhshme, Kosova do të mbesë pa mjekë.

“Kjo marrëdhënie e pabarabartë nuk është asgjë tjetër përveç shfrytëzim. Kjo është fatura e shfrytëzimit e kemi sjellë sot për Ditën e Evropës, por është e kufizuar, sepse nuk janë edhe profesionet e tjera. Në tregun e lirë, që po e quajnë, vetëm Kosova po zbrazet, nuk po vijnë këtu mjekë gjermanë”.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika