Aktivistët e Partisë Social Demokrate e kanë zhvilluar një aksion simbolik para dyerve të objektit të Qeverisë së Kosovës, ku e kanë vendosur një shportë me qershi.
Aktivistët e kësaj partie e kanë krahasuar kryeministrin e Kosovës me personazhin fiktiv të rrëfimeve popullore “Nastradinin”, në raport me dialogun Kosovë-Serbi.
Teuta Rusta nga kjo parti tha se kjo barcolet me qershi është tallje me hipokrizinë e Kurtit në dialogun me Serbinë.
“Këtë aktivitet kemi vendosur të mos e shpjegojmë, kjo barcoletë me qershi është tallje me hipokrizinë, kjo hipokrizi përkon me dialogun edhe me krejt marrëveshjet që Kurti është duke i realizuar e për të cilat ka thënë që, ose do t’i rinegociojë, ose do t’i rrëzojë krejt”, tha ajo.
“Kjo është një fore e Nastradinit që ka thënë që qershiat s’duhet ngrënë se janë të prishura edhe i ka gjuajtur. Pas një kohe ka filluar të marrë secilën prej shportës së bërllokut, duke thënë se ndoshta kjo nuk është prekur prej bërllokut e në fakt që të gjitha janë të njëjta edhe nuk vyejnë gjë”, ka vijuar ajo.