Trajneri i njohur Ismet Munishi e ka komentuar eliminimin e Spanjës nga Kampionati Botëror.
I ftuar në emisionin “Dueli Sportiv” në RTV Dukagjini ai tregoi arsyen pse “La Roja” u mposht nga Maroko.
“Kemi thënë tërë kohën që i mungon një sulmues i nivlelit të ekipit që kanë. Nuk kishte ndonjë lojtar që i fiton Spanjës që i fitonte duelet. Kishin problem edhe në tranzicion, sepse lojtarët e Marokos ishin shumë të shpejtë dhe dilnin lehtë përpara”, tha ai.
Ai po ashtu nuk kurseu lavdatat për Achraf Hakimin dhe festimin e tij.
“Po më pëlqen edhe festimi i Hakimit me nënën e tij, është mesazh fantastik. Nuk ka dashuri më të pastër se e nënës se më të birin e vet”.
Kjo është nata e 18- të e emisionit “Dueli Botëror” i cili do zgjasë deri në në finalen e madhe të Kupës së Botës.
Edhe në netët në vazhdim do të ketë të ftuar të ndryshëm nga bota e sportit dhe jo vetëm, të cilët në fokus kryesor do ta kenë diskutimin për Kampionatin Botëror.