Paris Saint-Germain si kampione e Ligës 1, Lensi dhe Lille kanë përfunduar sezonin në pozitat që i dërgojnë në Ligën e Kampionëve për edicionin e ardhshëm.
Në javën e fundit të kampionatit francez, Lens regjistroi një fitore bindëse 4:0 në udhëtim ndaj Olympique Lyonnais, duke e mbyllur sezonin në vendin e dytë me 70 pikë.
LOSC Lille, pavarësisht humbjes 2:0 në shtëpi ndaj AJ Auxerre, arriti të ruajë pozitën e tretë me 61 pikë dhe gjithashtu kualifikohet për Champions League.
Fitorja e Auxerre ishte vendimtare për mbijetesë, pasi skuadra e mbylli kampionatin në vendin e 15-të me 34 pikë, vetëm dy më shumë se Nice, e cila përfundoi në pozitën e 16-të dhe shkon në ndeshjet e plejautit për mbijetesë.
Le Havre siguroi qëndrimin në elitë duke përfunduar në vendin e 14-të me 35 pikë, pas fitores 2:0 në udhëtim ndaj Lorient.
Nga ana tjetër, Nantes dhe Metz nuk arritën të mbijetojnë në Ligue 1 dhe do të largohen nga elita franceze.
Paris Saint-Germain e mbyll sezonin si kampion i padiskutueshëm i kampionatit francez.