Psikologu, Arbër Zeka, ka thënë se rasti i keqtrajtimit ndaj të moshuarës në Shtëpinë e të moshuarve ka treguar se jemi një popull, në të cilin, dhuna e ka vendin e saj.
I ftuar në “Debat Plus”, Zeka ka thënë se ndonëse nuk guxon si psikolog të gjykojë sjellje të tilla, dhuna është pjesë e identitetit dhe e njëjta, është gjenetike.
“Në aspektin psikologjik, ne nuk guxojmë të gjykojmë një sjellje të tillë sepse në mënyrë të drejtpërdrejt i arsyeton problemet si arrogance, problemet në personalitet ngase nëse ka probleme të tilla, mund të jenë probleme nga fëmijëria”, ka deklaruar Zeka, gjersa thekson se dhuna është bartur në aspektin mjedisor dhe atë gjenetik.
Krahas kësaj, ai thotë se qysh në faza të hershme, fëmijët mësohen që problemet mund të zgjidhen me dhunë.
“Ashtu i mësojmë fëmijët, që problemet mund të zgjidhe nme dhunë. Po shohim disa njerëz që nuk dinë të menaxhojnë një njeri me nevoja të veçanta, ngase jo rastësisht është në një shtëpi që është shtëpi ku i ofrohet ndihmë e caktuar personave me nevoja të veçanta”, ka deklaruar Zeka.
Zeka thotë se secili duhej të trajtojë probleme të tilla me psikolog, qofshin trauma të fëmijërisë dhe jo vetëm.