Një video është publikuar të martën e cila tregon gjithë dinamikën e ngjarjes së datës 18 nëntor të vitit të kaluar, kur u vra 14-vjeçari Martin Cani.

Videon e rastit e ka publikuar gazetari i Top Story, Eraldo Harlicaj.

Në video duket që Mario Përlleshaj, i akuzuar për vrasjen e Canit mban në dorë një thikë.

“Mario ende nuk ka dëshmuar. Ditën e mërkurë është seanca e radhës, ku është thirrur përpara gjykatës personi i rritur që ka goditur Martinin ditën e premte me shpullë”, ka shkruar Harlicaj në postimin ku ka bashkangjitur videon e ngjarjes.