Një video e publikuar nga kryeministri i Republikës së Kosovës, Albin Kurti, tregon punëtorёt, të cilët po vazhdojnë punimet në rrugën Gjilan-Kllokot gjatë orëve të natës.
Ky veprim, siç thotë Kurti, vjen si shkak i temperaturave të larta gjatë ditës. Njëherit, edhe për mospengim të qarkullimit të trafikut.
“Në Rrugën Gjilan-Kllokot, kemi filluar të punojmë edhe në mbrëmje, nga ora 20:00 deri në mëngjes në 05:00, për shkak të temperaturave të larta gjatë ditës e gjithashtu që të mos pengojmë qarkullimin e trafikut në këtë aks rrugor, të cilin kryesisht e frekuentojnë bashkatdhetarët nga mërgata. Ministri Liburn Aliu dhe zv.ministri Hysen Durmishi vizitojnë dhe falënderojnë punëtorët”, ka deklaruar Kurti.
Në video shihet ministri Liburn Aliu gjersa viziton punёtorët gjatë detyrës.