85 vjeçar, mezi ecë në këmbë. Të paktën në përvjetore ose për festa, mbledh forcën për t’iu afruar varrit të djalit.

Djali 18 vjeç dëshmor bashkë me djalin e axhës Rexhën ranë në Carabreg të Deçanit, por janë varrosur në kompleksin Memorial në Gllogjan.

“Më ka thënë du me shku në luftë edhe unë, i thash mirë shko, inshallah shpëtoni, çka me bo… Jo mirë mirë shumë i lumtur, sepse ka shkuar dëshmor ka shkuar për vend të vetin, për këtë vend e për këtë tokë”, ka deklaruar Nezir Qorraj, Baba i dëshmorit.

Neziri po bëhet i fort para kamerës, por pas saj, kur flet për djalin sytë i mbushen me lot. Fehmi Berisha është histori tjetër. Nuk është familjar dëshmori, por është rritur më rrëfimet për një figurë fort të njohur të Ushtrisë Çlirimtare të Kosovës.

“Unë nuk e mbaj mend por sipas familjarëve e miqve që kanë takuar dhe ka kalauar në kohën kur janë bërë lëvizjen më të mëdha për Lug të Tërstenikut edhe Istog andej, ma kanë përshkruar trimërinë e tij, qëllimin edhe tij edhe m’bon me e vizitu varrin e tij”, ka thënë Fehmi Berisha, Nip i veteranit të UÇK-së.

Rrëfime të ngjashme dëgjon për çdo përvjetor të Pavarësisë, përvjetore të betejave e festa kombëtare. Rrëfimet nuk mungojnë, por për të dytin përvjetor të Pavarësisë munguan përfaqësuesit e shtetit.

As Presidentja, as Kryeministri e as Kryeparlamentari nuk ishin për vizituar e as nuk dërguan përfaqësues për homazhe.

Ky 17 shkurt ishte reprizë e vitit të kaluar, homazhe nga niveli lokal, veteranë e familjar të dëshmorëve, bashkë me organizata të dala nga lufta.

“Nuk e di si e fesjtojnë të tjerët, e si e vlerësojnë institucionet shtetërore por ish dashtë të jenë prezent së paku për nderim të sakrificës, heroizmit dhe për kujtim të krejt historisë të këtij populli”, ka theksuar Bashkim Ramosaj, Kryetar i Deçanit.

Dukagjinasit pavarësinë e festuan edhe në këtë mënyrë. Me kuaj e qerre, me flamuj kombëtar e shtetëror, nga Gllogjani festuan e u përshëndetën nga secili kalimtar rrugës për në Deçan.