Presidenti rus, Vladimir Putin, ka mbërritur në Kinë për një vizitë shtetërore dyditore, teksa të dyja vendet synojnë të thellojnë më tej një marrëdhënie që është afruar më shumë që kur Moska filloi agresionin mbi Ukrainë më shumë se dy vjet më parë.
Vizita vjen disa ditë pasi Rusia nisi një ofensivë të re në rajonin verilindor të Kharkivit të Ukrainës dhe siç pretendon ajo përparon në vijën e frontit 1000 km (600 milje), ku forcat e Kievit janë penguar nga dërgesat e vonuara të armëve dhe municioneve nga Shtetet e Bashkuara.
Transmetuar drejtpërdrejt në televizionin shtetëror, autokolona e Putinit prej gati 20 automjetesh e shoqëruar nga një formacion motoçiklistësh të veshur me uniforma të bardha ceremoniale, mbërriti jashtë Sallës së Madhe të Popullit të Pekinit rreth orës 11 të mëngjesit, për ta takuar presidentin kinez, Xi Jinping, raporton The Guardian.