Qehaja emërohet ambasador i Kosovës në Maqedoninë e Veriut

Gjatë ditës së mërkurë, Florian Qehaja u emërua ambasador i Republikës së Kosovës në Maqedoninë e Veriut, i cili është pritur në takim nga i ngarkuari me Punë në Ambasadën e Republikës së Kosovës në Shkup, Prindon Sadriu

Florian Qehaja dhe Prindon Sadriu

Florian Qehaja ka pranuar të mërkurën detyrën e ambasadorit të Republikës së Kosovës në Maqedoninë e Veriut.

Ambasada e Republikës së Kosovës në Shkup, përmes një postimi në rrjetin social ‘Facebook’, ka njoftuar se Qehaja është pritur në takim nga i ngarkuari me Punë në Ambasadën e Republikës së Kosovës në Shkup, Prindon Sadriu.

“Në prani të diplomatëve të Ambasadës së Republikës së Kosovës në Shkup, po ashtu, edhe të Konsullatës të Përgjithshme të Republikës së Kosovës në Strugë, si dhe përfaqësuesit e Republikës së Kosovës në MARRI është pritur Ambasadori i Republikës së Kosovës z. Florian Qehaja, i cili zyrtarisht mori detyrën nga z. Sadriu”, thuhet në postimin e Ambasadës.

Ndërsa, ambasadori Qehaja ka falënderuar Sadriun si dhe diplomatët e tjerë për pritjen e ngrohtë, gjithashtu u zotua për bashkëpunim të mirëfilltë, duke vlerësuar lartë angazhimet në interes të Republikës së Kosovës.

Pritet që ambasadori Qehaja t’i dorëzojë kopjet e letrave kredenciale te Ministri i Jashtëm i Republikës së Maqedonisë së Veriut, Bujar Osmani.

Shija e redaktorit

Rama takohet me udhëheqësit e Katarit, i fton ata për...

Kryetari i Prishtinës, Përparim Rama ka njoftuar se së bashku me Presidenten e vendit, Vjosa Osmani është duke qëndruar në Katar për një vizitë...

Osmani uron Suedinë pasi iu hap rruga për anëtarësim në...

Presidentja e Kosovës, Vjosa Osmani, ka uruar Suedinë pasi asaj iu hap rruga për anëtarësim në NATO, meqë Hungaria miratoi të hënën kandidaturën e...

Osmani takohet me emirin e Katarit, flasin për trajtimin e...

Presidentja e Kosovës, Vjosa Osmani, është pritur në takim nga emiri i Katarit, Sheikh Tamim Bin Hamad Al Thani, me të cilin ka biseduar...

Të fundit nga rubrika