Pesë zyrtarë policorë janë qëlluar me armë zjarri të enjten në rajonin Glendorado Township, në shtetin e Minesota në Shtetet e Bashkuara të Amerikës.
Sipas autoriteteve lokale, policët janë jashtë rrezikut për jetë dhe po trajtohen në dy spitale të ndara, derisa sulmuesi ende s’është arrestuar.
“Aktualisht nuk ka asnjë rrezik për banorët, por u është kërkuar të shmangin zonën”, thuhet tutje në njoftim.
Në vendin e ngjarjes kanë dalë njësitet policore, ka raportuar agjencia e lajmeve AP.
Video nga KMSP-TV tregoi automjete të shumta të zbatimit të ligjit në vendngjarje dhe oficerë me mjete taktike.
Një automjet i blinduar është parë duke lëvizur në buzë të një fushe.
Sherifi i Qarkut, Benton County, Troy Heck ka thënë se “ndonëse aktualisht nuk ka asnjë rrezik për publikun e gjerë”, ai paralajmëroi vendasit që të shmangin zonën për momentin.