Qendra Rehabilituese në Shtime në mungesë të stafit shëndetësor

Qendra Integruese, Rehabilituese e të sëmurëve kronikë psikiatrikë në Shtime ka një problem për funksionalizim të rregullt. Sipas punonjësve dhe drejtorit të kësaj qendre, aty nuk ka numër të mjaftueshëm të punëtorëve shëndetësorë e madje edhe të sektorëve të tjerë. Shërbimi Spitalor, Klinik, Universitar i Kosovës nuk ka kthyer përgjigje për RTV Dukagjinin, nëse kanë plane për rritjen e numrit të të punësuarve në këtë qendër

Qendra Rehabilituese në Shtime

Puna e stafit shëndetësor në Qendrën Integruese, Rehabilituese e të sëmurëve kronikë psikiatrikë në Shtime është mjaftë sfiduese, pasi numri i punëtorëve nuk është i mjaftueshëm për të kryer shërbimet këtu.

Sipas Naim Asllanit, shef i personelit, të punësuar në këtë institucion janë 42 persona. E sipas tij, nevoja për rritje të numrit është esenciale.

“Është sfidë e madhe çështja e punëtorëve dhe vlen të theksohet që në këtë institucion kemi mungesë të punëtorëve në të gjithë sektorët duke filluar nga shërbimi i administratës, shërbimi teknik dhe shërbimi shëndetësor”, ka thënë, Naim Asllani – Shef i personelit.

Naim Asllani – Shef i personelit

Drejtori i Qendrës ka sqaruar se ka dërguar vazhdimisht kërkesa që numri i stafit të këtij institucioni të rritet.

“Ne si staf menaxherial vazhdimisht kemi dërguar kërkesa për pranim të stafit shtesë, mirëpo mundësitë financiare të institucionit kanë qenë minimale”, ka bërë të ditur Miftar Zenelaj – Drejtor i Qendrës.

Qendra Integruese, Rehabilituese e të sëmurëve kronikë psikiatrikë në Shtime funksionon në kuadër të Shërbimit Spitalor, Klinik, Universitar të Kosovës.

Miftar Zenelaj- Drejtori i Qendrës

Prandaj, RTV Dukagjini ka kërkuar përgjigje nga ky institucion nëse kanë plan për rritje të numrit të punëtorëve në Qendrën rehabilituese në Shtime, por ata nuk kanë kthyer përgjigje.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika