I ftuar tek emisioni “Debat Plus”, në RTV Dukagjini, Xhevdet Qeriqi, përfaqësues i Shoqatës së Invalidëve të Luftës së Kosovës, ka thënë se nuk ka pasur asnjë takim me të akuzuarit e Gjykatës së Lartë të Hagës, gjatë kohës së luftës.
Ai ka thënë se një takim i tillë ishte zhvilluar pas luftës, për shkak të kontrollimit të pjesës së Neredimes nga Ushtria Çlirimtare e Kosovës.
“Gjatë kësaj kohe unë nuk e kam takuar asnjë eprorë të lartë të Shtabit të Përgjithshëm”, ka thënë ai.
Sipas tij, Serbia është duke bërë përpjekje të vazhdueshme me disa metoda, me të cilat me çdo kusht dëshiron që t’i gjykojnë krerët e Ushtrisë Çlirimtare të Kosovës.
Qeriqi përmendi edhe raportin e senatorit Dick Marty, i cili ka qenë një ndër përpjekjet e tyre, por sipas tij, në momentin që ky proces gjyqësor do të përfundojë, të gjithë do të shpallen të pafajshëm.