Kryetari i Këshillit Koordinues të Asociacioneve të Familjarëve të të Zhdukurve, Bajram Qerkini, ka thënë se Brukseli e ka stagnuar procesin e personave të pagjetur, edhe pse e ka cilësuar si prioritet humanitar.
Qerkini pasi bëri homazhe te memoriali për të pagjeturit, është shprehur se ende duhet të punohet në këtë drejtim.
“Brukseli me vendimet e veta duke thënë se duhet të jenë prioritet humanitar personat e pagjetur, e ka stagnuar komplet procesin e personave të pagjetur. Cep në cep ka qenë kryeministri por edhe zonja që mund t’i them hero, për me tregu të metat që janë ende pa u zbardhur fati i mbi 1600 personave, mes tyre 133 fëmijë. Duhet ende shumë të punohet”, ka thënë Qerkini para mediave.
Lidhur me këtë çështje, presidentja e Kosovës, Vjosa Osmani, ka thënë se e vërteta dhe drejtësia do të triumfojnë sërish.
Lexo më shumë: Mbi 1600 të zhdukur nga lufta, Osmani: E vërteta dhe drejtësia do të triumfojnë sërish
Ajo ka theksuar se Serbia akoma “fle” mbi varrezat masive dhe refuzon t’i hapë arkivat ku gjinden informatat për të zhdukurit.