I pari i Qeverisë së Maqedonisë së Veriut, Dimitar Kovaçevski, ka marrë pjesë në vjeljen e rrushit në Tikvesh 2022. Ai ka thënë se qeverinë e tij e ka bërë të lumtur marrëveshja me të cilën çmimet e blerjes së rrushit janë rritur për 30%.
Më tej, ai ka treguar se çmimi i blerjes së rrushit është nga 13 për qind deri në 19 për qind për “Smederevkës” dhe “Vranecit”, këtë Kovaçevskit ia kishin konfirmuar në takimin e mbajtur me kantinat dhe vreshtarët.
“Në kushtet e krizës më të madhe botërore, shteti ndau dy denarë shtesë për çdo kilogram rrush të dorëzuar dhe për çdo litër rrush të eksportuar edhe 2 denarë shtesë, gjegjësisht nga 2 deri në 4 denarë mesatarisht 3 denarë, varësisht nga ambalazhi në të cilën eksportohet. Gjithashtu, mbështetje për kantinat e verës, e cila është gjithashtu një mbështetje e drejtpërdrejtë për vreshtarët”, ka thënë Kovaçevski.
“Ky është rezultati i mbështetjes së barabartë që Qeveria u jep si vreshtarëve, ashtu edhe kantinës së verës përmes masave përkatëse’, ka shtuar ai.
Sipas tij, marrëveshja me kantinat dhe vreshtarët ka mundësuar sukses që nga fillimi i vjeljes.