Në mbledhjen e së mërkurës, Qeveria e Kosovës e ka emëruar Bordin e ri të Shërbimit Spitalor dhe Klinik Universitar të Kosovës (ShSKUK).
Ky emërim u bë pas propozimit të ministrit të Shëndetësisë Arben Vitia.
Vitia tha se bordi ka obligim që të drejtojë mbarëvajtjen e punës në ShSKUK me qëllim të orientimit dhe reagimit optimal për qytetarët e Kosovës.
Ai ka bërë të ditur edhe përbërjen e këtij bordi.
“Bordi ka obligim të drejtojë mbarëvajtjen me qëllim të orientimit dhe reagimit optimal për banorët dhe qytetarët e Kosovës. MSH e konsideron të domosdoshëm emërimin e bordit të ri. Përbërja; Dren Boshnjaku QKUK, Tetore Olloni, QKUK, Rrezarta Bajrami IKShPK, Besim Demolli Spitali i Ferizajit, Vjosa Kadolli nga Shërbimi i Kujdesit Parësor, Naim Bardiqi si përfaqësues nga Ministria e Shëndetësisë dhe një ekspert i menaxhimit shëndetësor”, ka thënë Vitia.