Ambasada e Gjermanisë në Prishtinë e ka konfirmuar për RTV Dukagjinin, se Ministria e Punëve të Brendshme të Kosovës ka kërkuar nga shteti gjerman që t’ua lejojë qarkullimin e me pasaporta të skaduara qytetarëve kosovarë, të cilët kanë lejeqëndrimi të Gjermanisë.
“Aktualisht Qeveria federale e Gjermanisë është duke e shqyrtuar kërkesën e Ministrisë së Punëve të Brendshme të Kosovës”.
“Kërkesa e bërë nga ministri Sveçla kufizohet në lejimin e rihyrjes në Gjermani të qytetarëve kosovarë që kanë lejeqëndrimi dhe të foshnjave me shtetësi kosovare, që kanë lindur në Gjermani dhe nuk kanë ende pasaportë të Kosovës”, thuhet në përgjigjen e Ambasadës gjermane për Dukagjinin.