Në mbledhjen e Qeverisë së Kosovës është miratuar vendimi për të kërkuar nga presidentja e vendit, Vjosa Osmani, dhënien e autorizimit për nënshkrimin e Marrëveshjes Kornizë Ushtarake me Turqinë.
Kryeministri Albin Kurti, njoftoi se faza paraprake e nismës për lidhjen e marrëveshjes është miratuar në mbledhjen e 179-të të Qeverisë.
Kurse në anën tjetër ministri i Mbrojtjes, Ejup Maqedonci, ka treguar para kabinetit qeveritar se çka përmban kjo marrëveshje.
Maqedonci tha se me anë të kësaj marrëveshje mundësohet shkëmbimi i personelit e inteligjencës mes dy vendeve.
“Kjo marrëveshje përfshinë shkëmbimin e personelit, materialeve, pajisjeve, informacionit dhe përvojës në këto fusha; stërvitje dhe edukim ushtarak, arsimim dhe kurse në shkolla ushtarake, shkëmbim i inteligjencës ushtarake si dhe fusha të tjera me interes për të dyja palët”, tha ai.