Qeveria mban mbledhjen e radhës

Qeveria e Kosovës, të mërkurën duke filluar nga ora 10:00, do të mbajë mbledhjën e radhës, por që pikat e rendit të ditës nuk janë bërë të ditura

Qeveria e Kosoves

Qeveria e Kosovës, të mërkurën e 1 shkurtit duke filluar nga ora 10:00, do të mbajë mbledhjen e radhës.

Ftesën për mbledhje, ministrat e kanë marrë në orët e vona të së martës, pas një mbledhjeje tjetër që u mbajt në mënyrë elektronike, raporton EO.

Ndërkaq, të martën, Qeveria e Kosovës në një mbledhje elektronike ka miratuar ndryshimet ne Ligjin për Buxhet që ka të bëjë me vlerën e koeficientit të Ligjit për Paga.

Ky ndryshim i Ligjit do t’i procedohet Kuvendit të Kosovës për shqyrtim në Komisionet parlamentare e më pas do të bëhet shqyrtimi e miratimi i tij në seancë plenare.

Ligji pritet që në seancë të futet me procedurë të përshpejtuar, pasi deri më pesë shkurt është afati i fundit kur Ligji i Pagave duhet të hyjë në fuqi.

“Vendimi për ndryshimin dhe plotësimin e Programit Legjislativ të Qeverisë së Republikës së Kosovës për vitin 2023, ku me propozimin e Ministrisë së Financave, Punës dhe Transfereve është përfshirë në Programin Legjislativ për vitin 2023 edhe Projektligji për ndryshimin dhe plotësimin e Ligjit Nr. 08/L-193 mbi Ndarjet Buxhetore për Buxhetin e Republikës së Kosovës për Vitin 2023; dhe – Vendimin për aprovimin e Programit për Reforma në Ekonomi 2023-2025”, thuhet në njoftimin e Qeverisë.

Vlera e koeficientit ende nuk është bërë e ditur zyrtarisht nga Qeveria e Kosovës, edhe pse një gjë e tillë ishte premtuar se do të bëhej brenda muajit janar.

Ndërkaq, partitë opozitare kanë paralajmëruar se do ta dërgojnë në Gjykatën Kushtetuese ligjin në fjalë.

Qeveria miraton koeficientin në ligjin për buxhet, ia procedon Kuvendit

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika