Qeveria e Kosovës të mërkurën e 25 janarit do të mbajë mbledhjen e radhës, duke filluar nga ora 10:00.

Kështu ka njoftuar Zyra e Kryeministrit.

RTV Dukagjini ka siguruar rendin e ditës të kësaj mbledhjeje.

Në rend dite do të jenë 13 pika, ku në mesin e tyre do të jetë shqyrtimi i propozimit-vendimit për aprovimin e Programit Legjislativ të Qeverisë së Kosovës, shqyrtimi i Projektligjit për Liritë Fetare.

Foto: RTV Dukagjini

Po ashtu në rend dite do të jetë edhe shqyrtimi i Draftit të Koncept-dokumentit për Akademinë e Drejtësisë dhe shqyrtimi i Nismës për negocimin e Marrëveshjes së Bashkëfinancimit ndërmjet Kosovës e përfaqësuar nga Ministria e Financave dhe Qeverisë së Zvicrës e përfaqësuar nga Sekretariati  Shtetëror për Çështje Ekonomike.