Qeveria e Kosovës e ka miratuar kërkesën e Komisionit Qendror të Zgjedhjeve për ndarjen e mjete buxhetore prej 252,004 euro për procesin e votimit për apo kundër largimit të kryetarëve në katër komunat në veri të vendit.
Gjithashtu, në këtë mbledhje Qeveria ka miratuar edhe një nismë të Ministrisë së Financave.
“Nismën e Ministrisë së Financave, Punës dhe Transfereve, për amendamentimin e Marrëveshjes për Anëtarësimin e Republikës së Kosovës në Fondin Monetar Ndërkombëtar dhe Organizatat e Grupit të Bankës Botërore, e ratifikuar në Kuvendin e Republikës së Kosovës me Ligjin Nr. 03/L-152 për “Anëtarësimin e Republikës së Kosovës në Fondin Monetar Ndërkombëtar dhe Organizatat e Grupit të Bankës Botërore”, dhe shpallur me dekretin Nr. DL-013-2009, datë 30.05.2009 nga Presidenti i Republikës së Kosovës.
Kërkesën e Komisionit Qendror të Zgjedhjeve për ndarjen e mjeteve buxhetore në shumë prej 252,004 € për procesin e votimit për apo kundër largimit të kryetarëve nga funksioni në komunat: Mitrovicë Veriore, Zubin Potok, Leposaviq dhe Zveçan.”, thuhet në njoftim.