Qeveria e Kosovës ka zhvilluar sonte në orët e vona një mbledhje elektronike, në të cilën ka shqyrtuar dhe miratuar disa vendime.
Në këtë mbledhje, ekzekutivi ka miratuar kërkesën e Ministria e Punëve të Jashtme dhe Diasporës për ndarjen e 500 mijë eurove për mbështetjen e qytetarëve të Kosovës të prekur nga situata e sigurisë në rajonin e Lindjes së Mesme, njofton Dukagjini.
Siç bëhet e ditur në njoftim, Qeveria ka vendosur të ndajë 1,675,000 euro për zbatimin e Masave 3.6 dhe 3.8 të Pakoja e Ringjalljes Ekonomike.
Në vendimet e miratuara përfshihet edhe autorizimi i ministrit përkatës që të aprovojë transfere nga nënprogrami “Shpenzimet e Paparashikuara” në nënprograme të tjera, për shuma individuale deri në 40 mijë euro.
Qeveria gjithashtu ka miratuar ndarjen e 370 mijë eurove për Asociacioni Ndërkombëtar për Zhvillim (IDA).
Në të njëjtën mbledhje është shqyrtuar edhe propozimi i Ministria e Financave për t’i rekomanduar presidentes së Kosovës dhënien e autorizimit për ministrin e Financave që të nënshkruajë marrëveshjen e kredisë me KfW për programin në sektorin e energjisë dhe klimës për Kosovën.