Qeveria paralajmëron se nuk do të paguhen ata që nuk punuan

Ani pse mësimi filloi ata që kryejnë punën e mësimdhënësit nuk janë paguar akoma. Madje nga ekzekutivi kanë thënë se rroga nuk do të ketë për të gjithë ata që kanë qenë në grevë





Mësimi ka filluar por mësimdhënësit ende nuk janë paguar ani pse është data tre tetor.
Gjithsesi ky mësimdhënës ka shpresa që paga e tij do t’i procesohet.

“Zakonisht pagat ekzekutohen pasdite, sot jemi të disponum paradite, të shohim cka po bohet pasdite”, ka thënë Naim Bytyqi mësimdhënës.
Por, sipas një përgjigje të Qeverisë pagat me gjasë nuk do të dalin fare.
Kjo pasi zëdhënësi i Qeverisë së Kosovës, Përparim Kryeziu ka dhënë indikacione se nuk paguhen mësimdhënësit që ishin në grevë për një muaj gjatë shtatorit.

“Për muajin shtator, pagesat në sektorin publik janë ekzekutuar për zyrtarët të cilët kanë dalë në punë dhe kanë kryer detyrat dhe përgjegjësitë e tyre. Paga mujore është kompensim për punë. Në raste të grevave, kjo çështje përcaktohet në ligjin për Greva”, ka thënë Përparim Kryeziu.
E nëse ndodhë kjo, përshkallëzim të situatës paralajmëron kryesindikalisti, Rrahman Jasharaj.
“Uroj që deri në kufirin ligjor më 5 tetor, Qeveria të mos e bëjë edhe këtë goditje, por t’i procesojë pagat, përndryshe do të kemi situatë të acaruar. Edhe mediat e kanë parë se edhe kur u bë pezullimi i grevës, votat pro dhe kundër ishin kogja të përafërta. Nuk është e drejtë të shkelen ligjet dhe të shkelet humaniteti. Nëse bëhet kjo goditje atëherë s’kemi si të mos besojmë se Qeveria i do grevat dhe përplasjet”, ka treguar Rrahman Jasharaj krytar i SBAShK-ut.
Afati ligjor për ekzekutimin e pagave për punëtorët e sektorit publik është më së largu data e pesë e çdo muaji.





Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika