Qeveria thotë se nuk ka pranuar kërkesë nga Lajçak për takim me Kurtin

U raportua se i dërguari i posaçëm i Bashkimit Evropian për dialogun Kosovë-Serbi, Mirosllav Lajçak do të qëndronte në Prishtinë mbrëmjen e së mërkurës por nga Qeveria kanë thënë se Lajçak nuk ka kërkuar një takim me Kurtin

Zëdhënësi i Qeverisë së Republikës së Kosovës, Përparim Kryeziu ka thënë se nuk është pranuar asnjë kërkesë zyrtare nga ana e Lajçak për takim me Kryeministrin e Republikës së Kosovës, Albin Kurti.

Të mërkurën, REL ka raportuar se pritet që mbrëmjen e kësaj dite, e i dërguari i posaçëm i Bashkimit Evropian për dialogun Kosovë-Serbi, Lajçak të qëndronte në Prishtinë e cila nga  diplomatët shihej si vazhdim për bisedimet për planin e BE-së. Por nga Qeveria kanë thënë se asnjë kërkesë për takim me Kurtin nuk është bërë ngaana e Lajçak.

“Për agjendën e z. Lajçak, ju lutemi që t’i drejtoheni ekipit të tij. Për takimet e Kryeministrit Kurti me z. Lajçak njoftoheni gjithmonë paraprakisht. Ne nuk kemi pranuar ndonjë kërkesë zyrtare nga z. Lajçak për takim me kryeministrin Kurti”, ka deklaruar  Kryeziu për RTV Dukagjini.

Ndërkaq, ditë më parë, përkatësisht me 20 janar, Kryeministri i Kosovës, Albin Kurti ka pritur në takim të dërguarin e posaçëm të BE-së për dialog, Miroslav Lajçak, të shoqëruar nga emisari amerikan për Ballkanin Perëndimor, Gabriel Escobar, i dërguari i posaçëm i Francës, Emmanuel Bonne, ai i Gjermanisë, Jens Plotner, dhe Francesco Talo, këshilltar i kryeministres së Italisë.

Lajçak pas takimit me kryeministrin e Kosovës, Albin Kurti, i shoqëruar nga emisarët e tjerë ndërkombëtarë ka thënë se është diskutuar për normalizimin e marrëdhënieve në mes të Kosovës dhe Serbisë, por që është shumë herët të bëjë ndonjë deklaratë dramatike, sepse kjo çështje do të vazhdojë të diskutohet edhe më tutje në Beograd me palën tjetër.

REL: Lajçak mbrëmjen e së mërkurës në Prishtinë për propozimin evropian

Ndryshe, propozimi i BE-së u është dorëzuar palëve në fund të verës, por përmbajtja e tij nuk është bërë publike.

Kosova dhe Serbia që nga viti 2011 zhvillojnë dialog në Bruksel.

Shija e redaktorit

Albina Kelmendi dhe familja do të performojnë në natën e...

Shqipëria e cila këtë vit prezantohet nga Albina Kelmendi me familje me këngën “Duje”, do të performojnë në natën e dytë gjysmëfinale, më 11...

Komuna e Prishtinës publikon çmimet e reja për trafikun urban

Komuna e Prishtinës në kuadër të Marrëveshjes së Kredisë mes Trafiku Urban Prishtinë dhe Bankës Evropiane për Rindërtim dhe Zhvillim (BERZh), me qëllim të...

Libraria “Dukagjini” fiton çmimin FIDES 2022 për kontributin korporativ

Libraria "Dukagjini" ka marrë të mërkurën e 18 janarit çmimin FIDES 2022 për kontribut korporativ. Ky çmim librarisë "Dukagjini", ju dha për kontributin e vazhdushëm...

Më të lexuarat

Në Kuvendin e Serbisë kërkohet mbyllja e kufijve për kosovarët që...

Slavisha Ristiq, anëtari i Komisionit Parlamentar për Kosovën në Kuvendin e Serbisë, ka kërkuar që të mos u lejohet hyrja në Serbi, kosovarëve që...

WhatsApp lëshon përditësimin e ri  për t’i lejuar njerëzit të...

WhatsApp ka lansuar një përditësim të madh të ri për t'i lejuar njerëzit të bisedojnë edhe në mes të mbylljeve të internetit. WhatsApp ka lansuar...

IKD: Shteti ka dështuar në rastin “Kobra”

Instituti i Kosovës për Drejtësi ka thënë se rasti “Kobra” paraqet një shembull të dështimit të sistemit të drejtësisë, i cili, sipas tyre, ka...

Të fundit nga rubrika