Sot është duke u mbajtur mbledhja e radhës e Qeverisë së Kosovës. Në këtë mbledhje, Qeveria ka emëruar anëtarët e Bordit të drejtorëve të Ndërmarrjes Publike Qendrore Hekurudhat e Kosovës, Train-Kos dhe anëtarët e Bordit të drejtorëve të Komapnisë Rajonale të Ujësjellësit KRU Mitrovica.
Kryeministri i Kosovës, Albin Kurti, ka thënë se janë përzgjedhur 39 kandidatë, ku gjashtë prej tyre janë zgjedhur si anëtarë në Train-Kos në kuadër të Bordit të drejtorëve.
Si anëtarë të Bordit të Train-Kosit janë zgjedhur Jetmira Nuka, kryesuese, Vjollca Salihu, anëtare, Luljeta Lutfiu, anëtare, Ruzhdi Zeqiri, anëtar, Kimete Fazliu, anëtare, Afrim Bulluti, anëtar.
Kurti ka thënë se mandati i të emëruarve zgjat 3 vjet.
Ndërsa, për sa i përket anëtarëve në listën përfundimtare janë përzgjedhur 11 kandidatë, ku kreu i ekzekutivit është shprehur se “për 1 anëtar të bordit të “KRU Mitrovica”, propozoj të emërohet Aurora Dinaj si anëtare”.