Analisti politik, Adem Qorolli, ka deklaruar se gjuha e ashpër dhe fyese në politikën kosovare është normalizuar vitet e fundit, duke paralajmëruar për rritje të tensioneve dhe polarizimit në shoqëri.
Duke komentuar zhvillimet e djeshme e të sotme në Skenderaj, Qorrolli i ftuar në “Debat Plus”, u shpreh se sipas tij, mjafton që një deputet i Lëvizja Vetëvendosje të thotë “Sami Serbia” për të marrë 90 mijë vota.
“Ne sot e kemi një kryeministër që asnjëherë nuk ka bërë thirrje që te penalizohet e dënohet gjuha e përdorur nga votuesit e tij e militantët e tij – ka mijëra raste që nuk janë ftuar as në Prokurori për raste të tilla e as në rastet që i kam paraqitur që janë disa vetëm njëherë jam ftuar në Prokurori tash e 8 muaj e kam paraqitur kërcënimin për jetë dhe nuk është ndërmarrë asgjë. Ne nuk duhet ta dërgojmë vendin në një luftë civile sikur shembulli i mbrëmshëm që nuk kishte asgjë mangu. Fyhen deputetë mes vete dhe kur hyn në Kuvend i merr 90 mijë vota. Para 2020 nuk ka ekzistuar kjo gjuhë dhe kjo elitë politike e ka bërë këtë gjuhë sikur përshëndetje. Sot nuk ka asgjë më të lehtë me u bë deputet sidomos kur je anëtar i Vetëvendosjes, ky veçse e ka siguru mbrëmë pozitën e deputetit, mjafton një deputetë i Vetëvendosjes me thënë “Sami Serbia” e ka shkatërru, e ka vjedh e te tjera automatikisht i merr 90 mijë vota”, u shpreh Qorrolli.