Në Kuvendin e Kosovës, ku edhe po diskutohet për sigurinë në vend, deputeti i Lidhjes Demokratike të Kosovës (LDK), ka thënë se shteti i Kosovës duhet të hartojë dokumente strategjike për sigurinë nacionale që do ta forconte sigurinë në vend.
Tutje, Quni i ka bërë thirrje Qeverisë së Kosovës të ketë kujdes të veçantë për kapacitetet e sigurisë, dhe të krijojë rezerva shtetërore në rast të krizave të ndryshme.
“Duhet të hartohen dokumente strategjike ajo e sigurisë nacionale dhe mbrojtjes që si dokumente referuese do të shërbejnë për kompletimin e infrastrukturës së sigurisë. Kujdes më i veçantë duhet të bëhet në kapacitetet e sigurisë, personelin profesional, infrastrukturën fizike, pajisjet etj. Në situata kur një rrezik zgjat duhet të kemi qëndrueshmëri, si p.sh. rezervat, derivatet, ushqimi, produktet higjenike”, ka deklaruar Quni.
Deputeti i LDK-së është shprehur se pushteti duhet të punojë në forcimin e aleancave strategjike për vendin, siç janë SHBA-të dhe NATO-ja.
“Përgjegjësia më e madhe bie në Qeveri, në kryeministrin, në fuqizimin e aleancës me SHBA-në, NATO-n, pa dyshim se për çështjen e sigurisë nacionale do ta keni bashkëpunimin e plotë të LDK-së”, ka shtuar ai.
