Qytetarët kërkojnë të mos shfrytëzohen ditët e punës për festat që bien në vikend

Ilustrim

Vendimi i Ministrisë së Punëve të Brendshme, që për festat të cilat bien në vikend të jetë pushim gjatë ditëve të punës, nuk është pritur mirë nga qytetarët. Të njejtin e kanë quajtur si të padrejtë, teksa kanë kërkuar që ky vendim të ndryshohet.

Ndryshimin e këtij vendimi e ka parë të domosodoshëm edhe ish-deputeti i Partisë Demokratike të Kosovës, Nait Hasani.

“Është ligj që është miratuar në Kuvend të Kosovës, është ligj që duhet të ndryshohet dhe festat kurdo në ditë të javës janë, aty duhet të festohet, nëse në vikend është ditë feste nuk ka nevojë të shfrytëzohet dita e punës, kjo ka mbetur nga e kaluara që është miratuar”, është shprehur ai për Kosovapress.

Nait Hasani

Në anën tjetër, qytetari Hasim Qanolli, është shprehur kundër zëvendësimit të festave që bien në ditët e vikendit.

“Ditët e festës nuk duhen të zëvendësohen hiç, atë ditë që është festa, atë ditë duhet të festohet. Dita e hënë duhet të jetë ditë pune, jo të bëhen nga 4-5 ditë pushim, edhe ashtu pak po punojnë”, ka thënë ai.

Kurse, qytetarja Kumrije Alia, e konsideron të padrejtë vendimin e ministrisë.

“Vetë emri festat tregon që nuk duhet të zëvendësohen aq më pak në një ditë të javës, është e padrejtë”, tha ajo.

Ndryshe, të hënën e 11 prillit në të gjitha institucionet qendrore dhe lokale të Kosovës do të jetë ditë pushimi për shkak të Ditës së Kushtetutës, e cila u festua të shtunën, më 9 prill.

Ilustrim

Ndërkohë, gjatë muajit prill, janë tri festa zyrtare të cilat festohen në vikend por që të hënave do të jetë ditë pushimi.

Përveç së hënës, qytetarët do të pushojnë edhe më 18 prill për shkak se të dielën e 17 prillit festohen Pashkët Katolike, si dhe më 25 prill, për shkak të Pashkëve Ortodokse, të cilat do të festohen të dielën e 24 prillit.

Shija e redaktorit

Ballkani me fitore historike, një hap larg kualifikimit në Ligën...

Ballkani ka fituar ndeshjen ndaj Shkupit në kuadër të play-offit të Ligës së Konferëncës në Stadiumin “Todor Proeski” në kryeqytetin e Maqedonisë së Veriut. Ekipi...

KB Prishtina bëhet pjesë e garës më të re të...

Kryetari i Klubit të Basketbollit Prishtina, Blerand Stavileci ka bërë të ditur se klubi i tij ka marrë ftesën për pjesëmarrje në garën më...

DokuFesti me turistët e huaj, infuzion për ekonominë e Prizrenit

Dhjetëra e mijëra vizitorë vendorë e ndërkombëtarë kanë shkelur rrugëve të qytetit të Prizrenit gjatë javës së fundit. Shkaku i këtij fluksi turistësh në kryeqytetin historik...

Më të lexuarat

“Kemi pritur mjaft, është koha për paqe” thonë qytetarët në...

Grafitet e vendosura dhe patrullat e Policisë, janë pamjet që po e shoqërojnë Mitrovicën Veriore gjatë së enjtes së 18 gushtit. Të heshtur por në...

Escobar pas takimit me Kurtin: Asociacioni duhet të formohet sipas...

I dërguari i Shteteve të Bashkuara të Amerikës për Ballkanin Perëndimor, Gabriel Escobar, pas takimit me kryeministrin e Kosovës Albin Kurti, ka thënë se...

Mandl kërkon sqarim nga BE-ja për referimin ndaj kryeministrit Kurti...

Në njoftimin e faqes zyrtare të Bashkimit Evropian(BE) për takimin që u mbajt të enjten e 18 gushtit në kuadër të dialogut Kosovë-Serbi, është...

Të fundit nga rubrika