Qytetarët marshojnë në Paradën e Krenarisë

Shumë qytetarë dhe pjesëtarë të komunitetit LGBTI+, në Kosovë kanë marshuar sot në kërkim të drejtave dhe trajtimit të barabartë në shoqëri. Motoja e sivjetme e Paradës së Krenarisë ishte “Edhe n’shtet edhe n’familje”

Komuniteti LGBTQ+, në sheshin Zahir Pajaziti

Flamujt me ngjyra po shpërndahen e njerëzit po bashkohen.

Po bëhen gati për një marsh, që do ta nis nga sheshi Skënderbeu, e do të vazhdoj në rrugën që lidh me sheshin Zahir Pajaziti.

Nën tingujt e muzikës po marshohet për të drejtat e komunitetin LGBTI+, në kuadër të Javës së Krenarisë.

Në mbështetje të këtij komuniteti dolën shumë qytetarë.

Madje, pati edhe në mosha më të shtyra, një ndër ta ishte Ismet Çitaku.

“Çdo komunitet ka të drejta dhe nuk duhet që të pengohen. Pse duhet me t’i pengojmë, nëse kanë dashur të hyjnë në atë rrugë atëherë ne duhet të legalizojmë këtë”, u shpreh qytetari, Ismet Çitaku.

Ismet Çitaku, qytetar

Për të përkrahur komunitetin LGBTI+ në Kosovë kishin ardhur edhe aktivistë nga Tetova.

“Edhe puna jonë edhe jeta e personave LGBTI është rënduar. Ndryshe është me qenë person LGBT në Prishtinë, ndryshe është në Pejë ose në Prizren edhe gjithandej do të thotë është jashtë kryeqyteteve është më rëndë”, ka thënë qytetari nga Tetova, Bekim Asani.

Bekim Asani, qytetar nga Tetova

Sikurse herët e kaluara, as në këtë paradë nuk ishte i pranishëm kryeministri, Albin Kurti e aty nuk u panë as Presidentja e kryeparlamentari.

Por, nga ekzekutivi marshuan ministrja e Drejtësisë, Albulena Haxhiu, ajo e Ekonomisë, Artane Rizvanolli, ministrja e Arsimit, Arbërie Nagavci dhe ministri i Kulturës, Hajrullah Çeku.

Të pranishëm ishin disa nga ambasadorët e akredituar në Kosovë, përfshirë ambasadorin e SHBA-së, Jeffrey Hovenier .

Thirrje për përkrahje këtij komuniteti, bëri edhe i pari i Prishtinës.

“Prishtina është për të gjithë, Prishtina është e të gjithë qytetarëve. Ne përkrahim komunitetin LGBTI e i përkrahim të gjithë qytetarët e Prishtinës”, ka thënë kryetari i Prishtinës, Përparim Rama.

Kryetari i Prishtinës, Përparim Rama

Parada e Krenarisë është përmbyllur me një koncert në platonë e Pallatit të Rinisë dhe Sporteve.

Shija e redaktorit

Hapet Baza Ajrore e NATO-s në Kuçovë të Shqipërisë

Më 4 mars u hap zyrtarisht baza ajrore e NATO-s në Kuçovë, një “investim i madh që do të shërbejë për përmirësimin dhe modernizimin...

Mogherini bëhet me nënshtetësi shqiptare

Kryeministri i Shqipërisë, Edi Rama, i ka ofruar rektores së Kolegjit të Evropës, Federica Mogherini, nënshtetësinë shqiptare. Ai e ka falënderuar për këtë projekt të...

Realizohet fotografia familjare e samitit në Tiranë

Siç e do zakoni, pjesëmarrësit në samitin “Ukrainë-Europa Juglindore”, që po mbahet në kryeqytetin e Shqipërisë, Tiranë, kanë realizuar “fotografinë familjare” Presidenti i Ukrainës,  Vlodymyr...

Të fundit nga rubrika