Qytetarët mblidhen sërish në sheshin “Skënderbeu” kundër aktgjykimit të Hagës
Qindra qytetarë janë mbledhur sërish në sheshin “Skënderbeu” në Prishtinë, në shenjë kundërshtimi ndaj aktgjykimit të Gjykatës Speciale në Hagë ndaj katër ish-krerëve të Ushtrisë Çlirimtare të Kosovës. Protesta vjen pas vendimit me të cilin Hashim Thaçi, Kadri Veseli, Jakup Krasniqi dhe Rexhep Selimi u dënuan me gjithsej 81 vjet burgim. Qytetarët janë mbledhur në […]
Qindra qytetarë janë mbledhur sërish në sheshin “Skënderbeu” në Prishtinë, në shenjë kundërshtimi ndaj aktgjykimit të Gjykatës Speciale në Hagë ndaj katër ish-krerëve të Ushtrisë Çlirimtare të Kosovës.
Protesta vjen pas vendimit me të cilin Hashim Thaçi, Kadri Veseli, Jakup Krasniqi dhe Rexhep Selimi u dënuan me gjithsej 81 vjet burgim.
Qytetarët janë mbledhur në qendër të Prishtinës, ndërsa në mesin e tyre ka edhe familjarë, veteranë të luftës dhe qytetarë që kanë dalë për të shprehur kundërshtimin e tyre ndaj aktgjykimit.
Katër ish-krerët e UÇK-së u dënuan në shkallën e parë të gjykimit. Thaçi dhe Krasniqi u dënuan me nga 25 vjet burgim, Veseli me 18 vjet, ndërsa Selimi me 13 vjet burgim.
Protesta po zhvillohet në mënyrë paqësore, ndërsa qytetarët po vazhdojnë të mblidhen në shesh.
















