Një qytetar në Junik ka njoftuar Policinë e Kosovës pasi ka hasur në disa mjete të dyshuara shpërthyese.
Sipas njoftimit të Policisë, në vendin e ngjarjes kanë dalë njësitë policore dhe ekipet e deminimit, të cilat kanë bërë asgjësimin e pesë bombave të dorës.
“Një dëshmitar ka raportuar se ka hasur disa mjete të dyshuara shpërthyese. Në vendin e ngjarjes kanë dalë ekipet policore dhe të deminimit, të cilët kanë bërë asgjësimin e mjeteve (5 bomba dore) pa ndonjë incident”, thuhet në raportin 24-orësh të Policisë së Kosovës.
Rasti është trajtuar nga njësitë kompetente, ndërsa nuk është raportuar për persona të lënduar.