Një 46-vjeçar ka rënë nga kati i dytë i një objekti në rrugën “Uran Tinova” në Ferizaj teksa po punonte.
I njëjti si pasojë e lëndimeve të marra fillimisht ishte dërguar për ndihmë mjekësore në Qendren Emergjente në Ferizaj e pastaj në Qendrën Klinike Universitare të Kosovës, njofton Dukagjini.
Rastin për Dukagjinin e ka konfirmuar edhe zëdhënësi i Policisë për rajonin e Ferizajt, Kanun Veseli.
“Ju njoftojmë se sot, rreth orës 12:40, kemi pranuar një informatë se në rrugën “Uran Tinova”, në Ferizaj , në një objekt në ndertim, një punëtor është rrëzuar, dyshohet nga kati i dytë në vendin e punës. Sipas informatave të para nga vendi i ngjarjes, bëhet fjalë për punëtorin, 46 vjeç. Për shkak të lëndimeve të pësuara, fillimisht është dërguar për ndihmë mjekësore në Qendrën Emergjente në Ferizaj, e më pas në QKUK në Prishtinë”, u shpreh Veseli.
Veseli, mes tjerash, u shpreh se patrullat policore dhe njësitet e hetimeve kanë dalë në vendin e ngjarjes dhe se lidhur me rastin është njoftuar edhe inspektori i punës, si dhe prokurori i shtetit.