Kryekrimineli i veriut, Milan Radojcic, është bërë edhe kryepersonazh i mediave për sulmin terrorist në Banjskë të Zveçanit, më 24 shtator.
Gjatë ditës së mërkurë (dje) Gjykata e Lartë ë Beograd i ka refuzuar propozimin Prokurorisë së Lartë Publike për të caktuar masën e paraburgimit. Ndaj tij, është caktuar masa e ndalimit për t’u larguar nga Serbia pa miratimin e gjykatës dhe i është ndaluar hyrja në Kosovë.
Lidhur më këtë mediumi serb “Nova.rs” ka marrë përgjigje nga Gjykata, ku thuhet se Radojçiq ka pranuar tri krime lidhur me këtë sulm, por, e ka mohuar se ishin vepra penale.
“Siç thuhet në procesverbalin e seancës, Radojçiq ka pranuar veprën penale 348 – prodhim, posedim, mbajtje dhe trafikim pa leje të armëve dhe lëndëve shpërthyese, pastaj veprën penale 349 – pjesëmarrje në grup që kryen vepër penale, si dhe vepër penale 288 – krim i rëndë kundër sigurisë së përgjithshme (vepër më e rëndë që lidhet me vdekjen e një ose më shumë personave)”, shkruan mediumi në fjalë.
Pra, edhe pse Radojçiq ka pranuar veprat penale për të cilat akuzohet, Gjykata e Beogradit ka vendosje ta lirojnë dhe të konstatojë se nuk ka arsye për të caktuar mashne paraburgimit ndaj tij.