Ushtria e Ukrainës ka thënë se raketat dhe predha ruse kanë goditur disa rajone, derisa luftimet e ashpra kanë vazhduar në rajonin e Donetskut, në lindje.
Kjo ushtri gjithashtu bëri të ditur se forcat ruse qëlluan me artileri mbi qytetet Bakhmut dhe Soledar, shkruan Sky News, transmeton Portali Dukagjini.
Në njoftimin e ushtrisë ukrainase bëhet e ditur se sulmet ruse kanë goditur edhe Balakliyan në rajonin verilindor të Kharkivit, rajon ky të cilin Ukraina e kishte rimarrë në shtator dhe Nikopolin, një qytet në bregun e kundërt të rezervuarit të Kakhovka nga stacioni i energjisë bërthamore Zaporizhzhia.
Ndryshe, rajoni i Donetskut ka përjetuar luftimet më të rënda në luftën nëntëmujore të Rusisë kundër Ukrainës.