Kryeministri i Shqipërisë, Edi Rama, nëpërmjet një postimi në llogarinë e tij në Facebook ka bërë të ditur se ka nisur zhdoganimi në Portin e Durrësit për mallrat që kanë destinacion tregun e Kosovës.
“Ja ku ka nisur edhe zhdoganimi në Portin e Durrësit për mallrat me destinacion Kosovën…”, ka shkruar Rama në Facebook duke treguar edhe disa foto rreth këtij zhdoganimi të mallrave.
Më tej Rama ka shtuar se det i Shqipërisë nuk është më i Kosovës vetëm për turizëm, por është edhe për tregti.
“…deti ynë nuk është më edhe i Kosovës veç për turizëm, po është edhe i Kosovës për tregti”, ka shtuar Rama.
Zhdoganimi i mallrave në këtë port i mundëson Kosovës të ketë qasje në det, duke lehtësuar kështu depërtimin e bizneseve vendore në tregjet ndërkombëtare.
Gjithashtu, ministri i Financave, Hekuran Murati, dhe ministrja e Financave dhe Ekonomisë të Shqipërisë, Delina Ibrahimaj kanë vizituar zyrat e Doganës së Kosovës në portin e Durrësit.
