Kryeministri i Shqipërisë, Edi Rama, ka reaguar pas deklaratave që qarkulluan lidhur me protestën e zhvilluar në Tiranë ku organizatorët pretenduan se në mesin e protestuesve kishte persona të infiltruar nga grupe serbe dhe greke.
“Ouuu….. Po ky vetë?
Avash avash, të gjithë do dalin!
Dhe flamingot do habiten me veten e tyre si ranë me kokë mes korbave e sorrave të shqiptarisë së rreme”, ka shkruar Rama.
Reagimi i tij erdhi pasi në rrjetet sociale u shpërnda një deklaratë e atribuuar organizatorëve të protestës, ku thuhej se në tubim kishte pasur grupe të infiltruar dhe se identiteti i tyre do të bëhej publik.